Härzligg willkomme bim Rosekeenig uf em Basler Märtplatz
Dr Heinz Hovadik…
Heinz Hovadik isch syt 39 Joor dr Spezialischt fir die scheenschte und beschte Roose und regionali Blueme.
Syt 15 Joor verkauft är syni Broduggt us fairem Handel am Basel Määrt und isch dr „Rosekeenig“ vor em Roothuus.
Syni Roose kemme us kontrollierter Broduggzioon nach Max Havelaar, denn si sinn nit numme scheen zem aaluege, sondern au zue faire Bedingige aabaut und ghandlet. Das gseen Sii als Bluemefrind sofort, denn d Roose sin scheen und schmegge feyn.
Mache Si nit nur sich, sondern au Ihre Liebschte e Fraid und kaufe Si Roose vom „Rosekeenig“ Heinz.
…und die keenigliche Roose.
Uf em Määrtplatz im scheene Baasel
Nur die Beste schaffe es zum Keenig!
Dr „Rosekeenig“ am Basler Määrt verkauft syt 35 Joor die scheenschte Roose fir 4.80 Frangge, das sin si wäärt.
Dr „Rosekeenig“ macht jedem Bluemefrind e Fraid und luegt uff Blueme us dr Region und Fairtrade Roose vo heggschter Gattig.
Drum kaufe Si d Roose bim „Rosekeenig“ und dien Si sich nit lumpe, dien Si besser grad zem Heinz uff e Määrtplatz gumpe.
Am Donnschtig, Frytig und Samschtig isch är deert und legt au uff Ihri grosse und glaine Winsch greeschte Wäärt.
Denn ains, das isch im Heinz syt är e Binggis isch ganz bsunders wichtig, dass Sii grossi Fraid an de Roose hän. Dorum sin Si bim „Rosekeenig“ goldrichtig.
Ob fir Dii oder zem verschängge, due an „Rosekeenig“ dängge.
Die neuste Rose für Sy:
Die beste Tipps vom Rosekeenig
- Schniid d’Rose deheime aa
- Nimm e ganz suuber Vääsli oder Gfäss
- Füll zu 1/3 mit kaltem Hahneburger oder sunstigem Wasser
- Kei Blättli im Wasser lo stoh
- Nit an die volli Sunne stelle
- Regelmässig s Wasser wäggsle
- Hebe Si täglich Freud an de Rose
- So hebe Ihri Rose lang und bliibe scheen
Rose kürze, aber richtig: Mit em Roseschniider in viele Farbe vom Keenig
Doch nit nur Rose, sondern au saisonali Blume het der Rosekeenig
